Пациенттердің қауіпсіздігі – біздің басты міндетіміз: орталық мамандарын еліміздің жетекші сарапшысы оқытады

Пациенттердің қауіпсіздігі – біздің басты міндетіміз: орталық мамандарын еліміздің жетекші сарапшысы оқытады
Қазақстан Республикасы Денсаулық сақтау министрінің хаттамалық тапсырмасын іске асыру аясында Павлодар облысында «Медициналық ұйымдарда  инфекцияның алдын алу және оған қарсы күрес» тақырыбында кең ауқымды біліктілікті арттыру курсы басталды.
Облыстық денсаулық сақтау басқармасы ұйымдастырған тренингке облыстың түкпір-түкпірінен дәрігерлер мен медбикелер жиналды. Курсқа біздің орталықтың мамандары да белсене қатысты.

Бағдарламаны Қазақстан Республикасы Денсаулық сақтау министрлігінің Қоғамдық денсаулық сақтау ұлттық орталығының инфекциялық бақылау және микробқа қарсы тұрақтылықты үйлестіру бөлімінің басшысы, ұлттық деңгейдегі сарапшы Гаухар Өнерханқызы Агажаева жүргізеді.

Неліктен бұл біз үшін маңызды?

Инфекциялық бақылау сапалы медицинаның негізі болып табылады. 

Тренинг барысында біздің қызметкерлер үйренеді:
✅ инфекцияның алдын алудың өзекті алгоритмдерін;
✅ микробқа қарсы тұрақтылықпен күресудің заманауи әдістерін;
✅ халықаралық қауіпсіздік стандарттарын күнделікті тәжірибеге енгізу.
Біз пациенттерімізге мүмкіндігінше қорғалған және сапалы медициналық ортаны қамтамасыз ету үшін білімді үнемі жетілдіріп отырамыз!